Ислам бахымындан өвладын сахланылмасы вә бүтүн хәрҹләри атанын өһдәсиндәдир. Амма, онларын һансы јашдан һимајәт вә тәрбијәт олунмасы оғлан вә гыз олмаларына һәмчинин, јашларына ҝөрә фәрглидир.

Ајәтуллаһ Имам Хоменји (рәһ.) бу суалын ҹавабында бујурур: "Оғлан ушағынын ики јашына кими, гыз ушағынын исә једди јашына гәдәр тәрбијә олунмасы ананын һаггыдыр. Ондан сонра ананын онлары сахламаға һаггы јохдур вә ата өвладлары ондан ала биләр. Лакин, һеч бир һалда истәр ушаг анада галсын, истәрсә дә алынсын атанын бојнундан ушагларын хәрҹи ҝөтүрүлмүр. Ата бу мөвзуда һагг саһиби олур."[1]

Әлбәттә, бу мүддәт әрзиндә ата-ананын һәр бири өвладларыны манеәсиз ҝөрә биләрләр.

Ајәтуллаһ Беһҹәти (рәһ.) бу һагда јазыр: "Өвладлардан һимајәт олунан заман ата-аналардан һәр бири өз өвладыны ҝөрмәк истәсә јахуд, она бир шеј чатдырмаг истәсә, онлара олан әзијјәт вә манеәләри арадан галдырмаг истәсәләр һәтта, бир мүддәт бирликдә дә јашамалы лазым олса һеч манеәси јохдур."[2]