Sizin sual iki hissədən ibarətdir:

İlk sualınız barədə deməliyik ki, Əli (ə) və Fatimə (s)ın qızı olan Ümmi Külsümün həyatı barədə bir çox mənbə kitablarda materiallar mövcuddur. Onlardan bəzilərini qeyd edirik:
Əxbarut-təval (Deynəvəri), Əl istiab (İbn əbdul birr), Əsədul Ğabə (İbn Əsir), Əl isabə (ibn Həcər), Əl Əlam (Zərkoli), Əl imamətu vəs siyasət (İbn Qutəybə Deynəvəri), Ənsabul Əşraf (Bilazəri), Əl bidayətu vən nihayət (İbn Kəsir), Əl bədu vət tarix (Mütəhhər bin Tahir Müqəddəsi), Tarix ibn Xəldun, Tarixul İslam (Zəhəbi), Tarix Təbəri (Təbəri), Tarix bərqozidə (Mutovfa Qəzvini), Tarixi Yəqubi (Yəqubi), Sirət Rəsulullah (Əbərquh), Ət təbəqatul Kubra (Kateb Vaqedi), Əl Kamil (İbn Əsir), Murucuz Zəhəb (Məsudi), Məqatilut talibin (Əbil Fərəc İsfəhani), Fərzəndane Ali Əbi Talib (Cavad Fazil) və…
Amma sualınızın ikinci hissəsi barədə qeyd etməliyik ki,
İkinci xəlifə ilə Ümmi Külsümün evlənməsi bir çox şiə və sünni rəvayətlərində gəlmişdir. Bu rəvayətlərin bir-biriləri ilə bir sıra ixtilafları var. Bu rəvayətlər həm sənəd və həmdə məzmun baxımından araşdırılmışdır. Bu rəvayətlərin ortaq və bir olan məzmununundan əldə olunan nəticə isə budur ki, İkinci Xəlifə Ümmi Külsümdən elçilik etdi[1] və həzrət Əli (ə) ı bu məsələdə hədələdi.[2] Həzrəti Əli (ə) üzr gətirərək, elçiliyi qəbul etmədi.[3]
Ömər bir neçə dəfə Həzrəti Əli (ə) I hədələdi və hər dəfə də qızın elçiliyin etdi.[4]
Sonda Həzrət Əli (ə) Ümmi Külsümlə Ömərin evlənmə məsələsini əmisi Abbas ibn Əbdül Mütəllibə həvalə etdi. Onun icazəsi ilə Ömərlə Ümmi Külsümün evliliyi və nigahı baş tutdu. Ümmi Külsümdə Ömərin evinə gəlin köçdü. Ömər ibn Xəttabın ölümündən sonra Həzrəti Əli (ə) qızını öz evinə qaytardı.[5]
Şiə və sünni rəvayətlərində gələn əsas məsələ bundan ibarətdir. Amma Ümmi Külsümlə Ömərin arasında yaxınlıq və zifaf baş tutub yoxsa yox və ya Ümmi Külsümün bu evlilikdən uşağı olub yoxsa yox, heç bir məlumat yoxdur. Lakin şiə və sünni alimləri bəzi nəticələr çıxarıblar və fərziyyələr vermişlər. Şiənin qədim alimlərindən olan Nobəxti (Qeybəti Süğra zamanının alimi) deyir: Ümmi Külsüm Ömərlə evlənən vaxtı çox uşaq idi. Buluğ yaşına çatmazdan öncə də Ömər dünyasını dəyişdi. (Öldürüldü).[6]
Həmçinin Zərqanı Maliki Əhli Sünni alimlərindən (1122 hicri qəməri tarixi ilə dünyasdını dəyişmişdir) deyir: Ümmi Külsüm Ömər ibn Xəttabın həyat yoldaşı idi. O həddi buluğa çatmamış Ömər dünyadan getdi.[7].[8]

---