İmamın insanlar arasında hazır olması yer üzərinə bərəkətin nazil olmasına səbəb olur. Yəni onların insanlarla birgə yaşamaları insanların bəhrələnməyinə səbəb olur. Amma bu məsələ bir tərəfli deyildir. Belə ki istər İmam qeybdə olsun və istərsə də hazır insanlar onlardan faydalanmaqdadırlar. Amma mümkündür bəziləri bu faydanı görə bilməsinlər. Bəzi hədislərdə və böyük alimlərin kəlamlarında bu faydaları görmək olar:

1)            İmamın açıq aşkar dəlillərlə qiyam etməsi

İmamlar qeybdə və aşkarda İlahinin yer üzərindəki nümayəndələridirlər. Onlar Allah Taalanın yer üzərində açıq- aşkar olan dəlilləridirlər. İmam Əli (ə) buyurmuşdur: "Ey Kumeyl! Yer üzəri heç vaxt nümayəndəsiz qalmayacaqdır. Allahın məsum bəndələri onun yer üzərindəki dəlilləridirlər. Onlar açıq- aşkar dəlillərlə qiyam edəcəklər.[1]

Bu məzmunda başqa məsum İmamlardan çoxlu hədislər nəql olunmuşdur.

2). Yer üzərində İlahi feyzin vasitəçiləridirlər.

İmam Səccad (ə) buyurmuşdur: "Biz İmamlar yer üzərinin siqorta mənbəyiyik. Bizim vasitəmizlə asiman (səma) yerə tökülmür. Bizim vasitəmizlə yağış yağır və yerdən bərəkət göyərir. Əgər biz olmasaydıq yer öz əhlini udardı. Amma bu vaxta kimi yer bizsiz qalmayıb. Amma biz bəzən qeybdə və bəzən də aşkarda oluruq".[2]

Onların vasitəsi ilə İlahi nemətlər yer üzərinə nazil olur. (Allahın xüsusi və ümumi nemətləri)[3]

Ziyarəti kəbirə duasında bu məsələlərə işarə olunmuşdur.

Allah Taala sizin vasitənizlə yağış göndərir, Sizin vasitənizilə göy yerə tökülmür, sizin vasitənizlə qəmlər və zərərlər aradan qaldırılır.[4]

3). İnsanların onların mübarək vücudlarından bəhrələnməsi:

İmam Səccaddan (ə) sual edirlər: "İmamlar qeybdə olarkən insanlar onlardan necə bəhrələnsinlər? İmam Buyurur: Günəş buludun arxasında olanda ondan necə istifadə edirlər[5] buludun arxasından günəş necə öz nurunu yer üzərinə saçırsa, İmam da qeybdə olan vaxt öz bərəkətini insanlara elə saçır.[6]

Mərhum Mühəqqiq Tusi buyurub: "İmamın vücudu böyük bir lütfdür. İmamın qeybdə olmasının səbəbi də biz insanlarıq.[7] Burada "Lütf" kəlməsi bərəkət mənasındadır. Amma İmamın vücudunun ictimaiyyətdə bərəkət olmasına baxmayaraq biz ondan layiqincə bəhrələnə bilmirik. Bunun ümdə səbəbi isə bizim ləyaqətsiz əmələrimizdir.

Bizim inancımız budur ki, İmamın qeybdə olmasına baxmayaraq o, bizim əməlimizdən və bütün rəftarlarımızdan xəbərdardır. Deməli, o, bizim aramızda yaşayır. Lakin biz onu görmürük və tanımırıq. İmamın bizim aramızda yaşaması bizim mənəviyyata, fəzilətə və doğru yola (günahın əksi) yönəlməyimizə təsirlidir.

4). İlahinin xüsusi elmi və köməkləri onun vasitəsi ilə möminlərə yetişir.[8]

İmam Zaman (ə) öz şiələrinə xüsusi nəzarət edir. Belə ki, o həzrətin vasitəsi ilə bir çox bəlalar onlardan götürülür və qarşısı alınır. O həzrət (ə) buyurmuşdur: "Biz sizi heç vaxt yaddan çıxarmırıq. Bizim vasitəmizlə Allah- Taala bəlaları şiələrdən götürür.[9]

Əlavə məlumat üçün:

1)             Göstərici: İmam Zamanın ömrünün uzun olmasının fəlsəfəsi: Sual 1405- 209.

2)             Göstərici: İmam Zamanın diri olmasına əqli dəlillərimiz: Sual 582- 534.