İslam dəyərlər dinidir və onda vədə verilmiş İlahi savablar insanların Allah üçün xalisanə əməllərinin nəticəsidir; çünki Allah- Taala savab verənlərin ən yaxşısı və ən adilidir və heç bir yaxşı iş görənin mükafatını zay etməz.[1] Hər nə qədər insanın yaxşı əməlləri səmimanə ola, hər nə qədər Allah yolunda çətinliklərə daha çox səbr edə, Allahın dərgahında mükafat və savabı o qədər artıqdır. Bunların hesabınadır ki, İlahi Peyğəmbərlər və pak İmamların Allah- Tasalanın dərgahında çox ali məqam vardır. Həmçinin Hüseyn ibni Əlinin (ə) şiələrin üçüncü imamı) Allah- Taalanın yanında çox uca məqamı var. bu məqam, o həzrətin (ə) Allahın Peyğəmbəri (s) ilə qohumluğuna xatir deyil, bəlkə imam Hüseynin (ə) İslamın və Quranın hifz olunmasında, öz İlahi təkliflərinin yerinə yetirməsində etdiyi səbrə, o həzrətin müsibətlərinə, bəxşişlərinə, fədakarlıqlarına, əmələrinə, xüsusiyyətlərinə və hədəflərinə görədir. Hüseyn ibni Əlinin (ə), Yezid və onun tərəfdarları ilə döyüşdə İlahi hədəfi var idi. Və özünün nəfsani istəklərinin dalınca deyildi. Bu gün hamıya aydındır ki, əgər imam Hüseyn (ə) bəni Üməyyənin açıq- aşkar və böyük inhiraflarının qarşısında sükut etsəydi, İslamdan ancaq ad qalardı, onun həqiqətləri və gerçəklikləri bəni Üməyyənin bəndində (zəncirində) əsir olardı və bizim əlimizə yetişməzdi. İmam Hüseynin (ə) əql və eşqlə qarışmış fədakarlığı idi ki, İslamı, nabud olmaq xətərindən və bəni Üməyyənin əlində süqut olmaqdan saxladı.[2]

Başqa bir tərəfdən: İmam Hüseyn (ə) bilirdi ki, sağ qalmaq üçün şans yoxdur, bilirdi ki, onlar istəyirlər onu şəhid edələr və həmçinin Kufə camaatının keçmişdə atasına və qardaşına vəfasızlığından xəbərdar idi.

Bunlarla belə bütün sərmayəsi ilə (öz canı, yaxınları, övladları, dostları və ...) meydana gəldi və açıq üz ilə, qismətdən kamil razılıqla Allahın dinindən müdafiə etdi, öz qanıyla İslamın ağacını suladı və İslama təzə can bağışladı.

Baxmayaraq ki, həmişə Allahın yolunda İlahi Peyğəmbərlər və rəhbərlərdən olan böyük insanlar öz canlarını fəda ediblər, amma imam Hüseyn (ə) və onun dostlarının məzlumcasına şəhid olması hadisəsi, şəhidlərin sayı və onların şəhadətə yetişməsi nöqteyi nəzərindən və başqa cinayətlər ki, onların şəhadətindən sonra onların cəsədlərinə oldu, qarət, Yezidin tərəfdarları tərəfindən şəhidlərin qadınları və uşaqlarının əsir edilməsinin tarixdə oxşarı yoxdur!

Allah- Taala buyurur: Biz səbr edənlərin mükafatını hesabsız verərik![3]

Görəsən bəşəriyyət tarixinin İmam Hüseynin (ə) saysız müsibətlərindən daha ağır müsibət və Hüseyn ibni Əlinin (ə) səbrindən uca olan səbrdən xəbəri varmı?

Başqa bir tərəfdən, o həzrətin (ə) bütün səbri və müsibətləri səmimanə və Allah yolunda olub və onlarda bir zərrə belə nəfsani istək və şəxsi mənfəəti olmayıb.

Bu məsələlərə diqqət etməklə Allah- Taala imam Hüseynə (ə) hansı mükafatı və savabı versin ki, həm o həzrətin (ə) müsibətlərinə layiq ola və həm də Allah- Taalanın kərəm, səxavət və ədalətin şənində ola.

Buna əsasən Allah- Taala ona çox böyük mükafat və savabları verilibdir ki, onlardan biri bu dünyada izzət və əzəmətdir. Buna xatir bütün camaat o həzrətin (ə) pak məzarının ziyarətinə rəğbətlənir və təşviq olunurlar və o həzrətin (ə) ziyarətçilərinə çoxlu mükafat və savab vədəsi verilibdir. Bu İlahi vədələrdən biri, şeyx Mufid (r) və başqalarının motəvatir nəql etdikləri hədisdir. Bu hədisdə imam Cəfər Sadiq (ə) buyurub: ... kim Aşura günündə imam Hüseynin (ə) qəbrini ziyarət edə sanki Allahı, onun ərşinin üstündə ziyarət edibdir".[4]

Əlbəttə bu təəccüblü deyil; çünki, Peyğəmbərin (s) qəbrinin ziyarəti barədə buna oxşar çoxlu rəvayətlər varımızdır. İmam Cəfər Sadiq (ə) buyurub: "Hər kəs Allahın Peyğəmbərini (s) ziyarət edə sanki Allah Taalanın onun ərşinin üstündə ziyarət edibdir".[5]

İmam Rza (ə) Allahı ziyarət etməyin mənası barədə buyurub: Allahı görmək və ziyarət etmək mümkün olmadığına görə Allah- Taala Peyğəmbərinin ziyarətini öz ziyarətinin yerinə qərar veribdir.[6]

Əlbəttə gərək diqqət oluna ki, İmam Hüseynin (ə) ziyarəti, o həzrətin (ə) böyük hədəflərinin yaşaması, həmin Allahın dininin və Quranın göstərişlərinin yaşamasına səbəb olar.