“Aləm qadınlarının ağası” ləqəbu bu iki böyük xanım, həzrət Zəhra (s) və Məryəm (s) üçün qeyd olunur. Amma rəvayətlər göstərir ki, bu ləqəbin bu iki xanım üçün istifadəsi bir- birindən fərqlənir. Buna görə ikitərəflilik burada yaranmır.

Həzrət Məryəmə (s) bu sifətin  deyilməsi, Al- İmran surəsinin 42- cü ayəsindən götrülmüşdür:

«إِذْ قالَتِ الْمَلائِكَةُ يا مَرْيَمُ إِنَّ اللَّهَ اصْطَفاكِ وَ طَهَّرَكِ وَ اصْطَفاكِ عَلى‏ نِساءِ الْعالَمين‏»

“Xatırla ki, bir zamanlar mələklər belə demişdilər:”Ya Məryəm, həqiqətən, Allah səni seçmiş, təmizləmiş, aləmlərin qadınlarından üstün tutmuşdur.”[1]

Həzrət Zəhra (s) üçün bu ləqəb rəvayətlərdə qeyd edilmişdir. Rəvayətlərdən belə görsənir ki, bu iki hal bir- birindən fərqlənir. Buna görə heç bir ziddiyyət yoxdur. Aşağıdakı rəvayət bu iddiaya bir dəlildir:

Mofzəl deyir: İmam sadiqə (ə) dedim: Peyğəmbərin (s) Fatimeyi Zəhra (sa) barəsində dediyi “O bütün dünya qadınlarının böyüyüdür” sözünü mənə izah et: Məgər o, öz zəmanəsinin ən böyük qadını olmuşdur? Buyurdu: Bu məqam həzrət Məryəm (s) üçündür ki, öz zəmanəsinin qadınlarından üstün idi. Amma Fatimə (sa) başlanğıcdan sonadək bütün dünya qadınlarının ağa və başçısıdır. [2]

Buna oxşar sualı Qurani kərim İsrail övladlıarının “Yaqubun (ə) övladlarının” aləmlərdən üstünlüyünü mətrəh etmişdir:

«يا بَني‏ إِسْرائيلَ اذْكُرُوا نِعْمَتِيَ الَّتي‏ أَنْعَمْتُ عَلَيْكُمْ وَ أَنِّي فَضَّلْتُكُمْ عَلَى الْعالَمين»

“Ey Yaqub övladları! Sizə verdiyimiz nemətləri xatırlayın və sizi seçdik və bütün insanlara üstün etdik.”[3] Aydındır ki, onların üstünlüyü müsəlmanlardan deyil,  öz zəmanələrinin insanlarından üstünlükləridir. Buna görə İmam Həsən Əsgəriyə (ə) məxsus təfsirdə Allah Rəsulunun, Əhli- beytinin və ümmətinin bütün gəlib- keçmiş peyğəmbərlərdən, insanlardan üstünlüyü barəsində müfəssəl şəkildə rəvayət nəql olunmuşdur.  Həmçinin buyurur: Ey Musa! Məgər bilmədin ki, Muhəmmədin əshabı bütün peyğəmbərlərin əshabından üstün və fəzilətlidir, Muhəmmədin Əhli- beytinin bütün peyğəmbər ailələrindən üstünlük və fəziləti kimi! Və həmçinin Muhəmmədin bütün göndərilənlərdən üstünlük və fəzilətli olması kimi!?[4]

Həmçinin ayə İbrahim və İmran ailəsinin bütün aləmlərdən üstünlüyünü bəyan etməsi,[5] onların nisbi üstünlüyünün göstərgəsidir.

Deyilənlərdən belə aydınlaşır ki, bu iki böyük xanıma bu sifətin söylənməsində heç bir ziddiyyət yoxdur.