Ufafanuzi juu ya swali lako ni kwamba: jua ni moja kati ya vitu vyenye kutoharisha, na miongoni mwa vitu vyenye kutoharishwa na jua ni: ardhi pamoja na kuta za nyumba.[i]

Ili jua liweze kutoharisha ardhi na pamoja na zile kuta za nyumba zilizonajisika, ni lazima kuwe hakuna kizuizi juu ya ardhi au kuta hizo wala ndani ya kuta hizo, kwa mfano iwapo kuta au ardhi itakuwa imenajisika na najisi hiyo ikawa imepenya hadi ndani ya ardhi au kuta hiyo, basi iwapo kwa njia moja au nyengine, kukawa kumewekwa kuzuizi kitachoigawa ardhi au kuta hiyo katika tabaka mbili, na kizuizi hicho kikawa kati na kati ya tabaka mbili hizo za ardhi au kuta, katika hali kama hiyo kuta na ardhi hiyo itatoharika sehemu ya tabaka la juu tu, na tabaka la chini litabakia kuwa ni najisi. Pia ili jua liweze kutoharisha, basi hakutakiwi kuwepo kizuizi juu ya ukuta au ardhi kama vile pazia au bao fulani. Vile vile iwapo kwenye ardhi au kuta kutapatikana uwazi utakao igawa sehemu mbili kuta au adrhi hiyo, huku uwazi huo ukawa kati na kati baina ya sehemu mbili zilizo najisika, yaaani sehemu ya nje na ya ndani, basi uwazi huo utazuia juwa lisiweze kuitoharisha ile sehemu ya ndani ya kuta au ardhi hiyo iliyonajisika.[ii] Lakini pia wanazuoni wengine hawakuzitaja sharti kama hizi katika ufafanuzi wao juu ya hali ya jua katika kuvitoharisha vitu kama hivyo.[iii] Pia kuna wanazuoni wengine wanaoamini kuwa: jua haliwezi kuzitoharisha kuta za nyumba.[iv]